Працягваем каштаваць беларускiя навінкі

Беларускія вытворцы радуюць новымі густамі: у продажы з’явіўся кісламалочны прадукт з лімонам і насеннем чыа. Лёгкая тэкстура, асвяжальная лімонная кіслінка і карыснае насенне – выдатны старт дня або прыемны перакус у любы час.

У складзе нармалізаванае малако «А2», харчовы кампанент «Лімон-чыа», цукар і закваска. Прадукт адрозніваецца памяркоўнай тлустасцю – усяго 2,1 %, а ў 100 яго грамах змяшчаецца 3,3 г бялку, 2,1 г тлушчаў і 10,0 г вугляводаў. Энергетычная каштоўнасць – 70 ккал, так што прадукт падыдзе тым, хто сочыць за рацыёнам. Аб’ём слоіка – 330 г: гэтага хопіць на два прыёмы ежы або на дваіх. Зручнае шкляное пакаванне захоўвае свежасць прадукту, але пры транспартаванні варта быць акуратным.

Навінка стане добрым варыянтам для сняданку, лёгкага перакусу ці ў дарогу. Пакаштуйце і ацаніце свежы смак з карысцю для сябе!