12.04.2022 15:01

Аляксандр Крачкоўскі сярод лепшых механікаў раёна

На рахунку ААТ «Радашковіцкі керамічны завод» нямала ўзнагарод. Прадпрыемства з’яўляецца лаўрэатам і пераможцам конкурсаў «Лепшы будаўнічы прадукт года», «Лепшыя таварыБеларусі», «Лепшае дасягненне ў будаўнічай галіне Рэспублікі Беларусь».

Аляксандр Крачкоўскі працуе на Радашковіцкім керамічным заводзе з 1989 года. Па выніках работы за 2021-ы яго імя занесена на раённую Дошку гонару. Аляксандр Крачкоўскі працуе на Радашковіцкім керамічным заводзе з 1989 года. Па выніках работы за 2021-ы яго імя занесена на раённую Дошку гонару.

Поспехі былі б немагчымыя без самаадданай, карпатлівай працы ўсяго калектыву. Сярод тых, хто добрасумленна працуе на карысць завода, – механік Аляксандр Крачкоўскі.

— Мая асноўная задача – забяспечваць работу абсталявання, — гаворыць Аляксандр Іосіфавіч. – Для гэтага трэба дасканала разбірацца ў тэхнічнай дакументацыі, ведаць, як працуюць вузлы і механізмы, своечасова праводзіць тэхабслугоўванне, рамонт і наладку станкоў і вытворчых ліній.

Прадпрыемства вырабляе шмат відаў керамічных будматэрыялаў. Каб не падвесці спажыўцоў, пераналаджваць вытворчыя лініі трэба хутка і якасна. Ад гэтага залежаць прыбытак завода і яго рэпутацыя сярод заказчыкаў.

— Мая работа цікавая і вельмі адказная, — сказаў Аляксандр Крачкоўскі. – Абсталяванне на прадпрыемстве складанае. Радуе, што мае ўменні і навыкі ў калектыве запатрабаваныя.

Тэкст і фота: Алег БЯГАНСКІ.

 

Прочитано 130 раз Последнее изменение 12.04.2022 15:01
Алег Бяганскі

Этот адрес электронной почты защищён от спам-ботов. У вас должен быть включен JavaScript для просмотра.