10.01.2022 12:35

Падпішыся на «МГ» і жыві без праблем!

На чарговы Дзень падпісчыка мы накіраваліся ў Красненскае аддзяленне паштовай сувязі. Чытачам прывезлі сувеніры з фірменным лагатыпам, а яны нам падрыхтавалі цёплыя словы і пажаданні, якім заўсёды радуемся, нібы тым падарункам.

Начальнік Красненскага аддзялення паштовай сувязі Святлана Стэцкая. Начальнік Красненскага аддзялення паштовай сувязі Святлана Стэцкая.

З дастаўкайна дом і да запатрабавання

Падпісную кампанію ў Красным і іншых населеных пунктах зоны абслугоўвання аддзялення паштовай сувязі нам дапамаглі правесці яго начальнік Святлана Стэцкая, паштальёны Таццяна Лагуновіч і Святлана Траццяк, аператар Караліна Гайковіч. У рабоце дружнага жаночага калектыву адразу адчуваецца зладжанасць і пераемнасць. Самая вопытная кіраўнік, яна працуе тут 17 гадоў. Прыязджае з Чысці, пачынала паштальёнам і аператарам. Цікава, што Святлана Тадэвушаўна чытае нас і як філолаг, бо ў яе ёсць спецыяльнасць настаўніка беларускай мовы і літаратуры.

Жыхары тэрыторыі, замацаванай за Красненскім аддзяленнем паштовай сувязі, выпіс-ваюць «Маладзечанскую газету» як на пэўны адрас, так і па сістэме да запатрабавання. Дзень падпісчыка якраз супаў з серадой, таму некаторыя прыходзілі па свежы нумар нашага выдання, а заадно і прадоўжыць падпіску на яго. Такая сістэма яшчэ і дадатковая нагода для вяскоўцаў абмеркаваць журналісцкія матэрыялы. Чытаюць нас людзі рознага ўзросту і розных прафесій. Адна падпісчыца трапна заўважыла: «Выпішу «МГ» — і няма праблем!».

Тэкст і фота: Ірына РАБУШКА.

Прочитано 215 раз
Ірына Рабушка

Этот адрес электронной почты защищён от спам-ботов. У вас должен быть включен JavaScript для просмотра.