05.01.2022 12:17

Павіншаваць са святамі, вырашыць праблемы

Святы не адменяюць дэпутацкіх абавязкаў. Хаця і ўносяць карэктывы ў рабочы графік народных выбраннікаў. Дэпутат Палаты прадстаўнікоў Нацыянальнага сходу Рэспублікі Беларусь па Маладзечанскай сельскай выбарчай акрузе №73 Алег Семянчук напярэдадні навагодніх свят правёў некалькі сустрэч у Маладзечанскім раёне.

У час віншавання сям’і Віктара Носава У час віншавання сям’і Віктара Носава

Пачаўся рабочы дзень парламентарыя з прыёму грамадзян у вёсцы Краснае. На прыёме прысутнічалі старшыня Маладзечанскага раённага Савета дэпутатаў Андрэй Паўкшта, прадстаўнікі сельвыканкама, профільных раённых службаў. Наведвальнікі ўзнімалі пытанні добраўпарадкавання дваровых тэрыторый на адной з вуліц Краснага, рамонту жылога дома і іншыя. Усе звароты ўзяты на кантроль.

З удзелам Алега Семенчука адбылася дабрачынная навагодняя пастаноўка ў Доме культуры пасёлка Чысць. На спектакль запрасілі дзяцей з мнагадзетных і малазабяспечаных сем’яў, дзяцей з інваліднасцю. Дэпутат пажадаў хлопчыкам і дзяўчынкам выдатна вучыцца, любіць сваю краіну, расці патрыётамі Беларусі.

У вёску Чарты (населены пункт недалёка ад Чысці) Алег Аляксеевіч прывёз падарункі дзецям мнагадзетнага бацькі Віктара Носава, які адзін выхоўвае пяцігадовага Платона, сямігадовую Лізавету і васьмігадовага Елізара. Дзеці былі вельмі рады падарункам.

Парламентарый завітаў у сям’ю з Дзедам Марозам. Так візіт ператварыўся ў сапраўднае свята.

— У дэпутацкага корпуса стала добрай традыцыяй напярэдадні навагодніх свят наведваць навучальныя і сацыяльныя ўстановы, мнагадзетныя сем’і, — адзначыў Алег Семянчук. – Над адпаведнымі арганізацыямі і сем’ямі наладжана пастаяннае шэфства. У маёй выбарчай акрузе заўсёды на кантролі Івянецкі дом-інтэрнат і іншыя профільныя арганізацыі. Увогуле, пытанням выхавання падрастаючага пакалення ў Беларусі надаецца прыярытэтнае значэнне.

Парламентарый падкрэсліў, што ў 2021 годзе Беларусь працягвала дынамічнае развіццё. Нядрэнныя вынікі паказаў народнагаспадарчы комплекс. Умацоўвалася сацыяльная сфера. Гэтыя тэндэнцыі павінны захавацца і ў новым годзе.

Тэкст і фота: Алег БЯГАНСКІ.

Прочитано 166 раз
Алег Бяганскі

Этот адрес электронной почты защищён от спам-ботов. У вас должен быть включен JavaScript для просмотра.