Паважаныя настаўнікі, ветэраны педагагічнай працы, выхавальнікі, работнікі сістэмы адукацыі!

Прыміце шчырыя віншаванні з нагоды прафесійнага свята!
Ваша прафесія – самая важная і неабходная. Яе найгалоўнейшая каштоўнасць – клопат аб будучых грамадзянах Беларусі. На вас ускладзена асаблівая адказнасць – навучыць і выхаваць, напоўніць жыццёвы шлях маладых людзей сэнсам, даць ім магчымасць стаць паспяховымі, высокакультурнымі, запатрабаванымі і карыснымі грамадству. Вы не толькі запальваеце полымя ведаў, адкрываеце свет прыгажосці, але і служыце прыкладам сумлення і чуласці.
Педагогі нашага раёна высока трымаюць прафесійную планку, выкарыстоўваюць новыя тэхналогіі, пастаянна працуюць над павышэннем якасці адукацыі.
Прыміце шчырую падзяку за адданасць абранай справе, мудрасць і цярпенне. Няхай энергія, якую вы дорыце вучням, вяртаецца новымі сіламі для вашых спраў і здзяйсненняў! Вялікі дзякуй ветэранам педагагічнай працы за прыклад працавітасці і значны ўклад у стварэнне раённай сістэмы адукацыі.
Моцнага вам здароўя, шчасця, душэўнай цеплыні і дабрабыту, поспехаў ва ўсіх пачынаннях і рэалізацыі намечаных планаў!
Раённы выканаўчы камітэт
Раённы Савет дэпутатаў

Паважаныя педагогі! Дарагія ветэраны педагагічнай працы!
Прыміце самыя шчырыя віншаванні з прафесійным святам!
Прафесія педагога ва ўсе часы была і застаецца самай высакароднай, самай стваральнай і самай мудрай. Вы – захавальнікі ведаў і традыцый, настаўнікі падрастаючага пакалення, чыя штодзённая праца служыць апорай для развіцця нашага грамадства і будучыні ўсёй краіны. Вы не проста вучыце – вы натхняеце, адкрываеце новыя гарызонты, дапамагаеце знайсці свой шлях у жыцці.
У гэты святочны дзень жадаем вам моцнага здароўя, невычэрпнай энергіі, мудрасці і цярпення, творчага натхнення і прафесійных поспехаў.
Няхай ваша работа прыносіць вам радасць і задавальненне, а ўдзячнасць вучняў стане для вас самай высокай узнагародай!
Н.Л. ГЛІНСКАЯ,
член Савета Рэспублікі Нацыянальнага сходу Рэспублікі Беларусь
І.С. МАРКЕВІЧ, Д.І. УШАЦКІ, С.І. САКАЛОЎСКАЯ,
дэпутаты Палаты прадстаўнікоў Нацыянальнага сходу Рэспублікі Беларусь