У матэрыяле "Павильон на остановке есть, а от дождя не спрячешься"  ўзнімалася пытанне добраўпарадкавання павільёна на канцавым аўтобусным прыпынку па вуліцы Вілейскай.

Закраналася ў ім таксама праблема добраўпарадкавання вуліцы імя Капуцкага, жыхары якой чакаюць яе асфальтавання з таго часу, калі праводзіўся Рэспубліканскі фестываль-кірмаш «Дажынкі-2011».

Рэдакцыя атрымала адказ на публікацыю за подпісам дырэктара УП «Камунальнік» Мікалая Наздрына-Платніцкага:
«Дадатковая абшыўка прыпыначнага павільёна па вуліцы Вілейскай выканана. На працягу ўсяго вясенне-асенняга перыяду ў рамках абслугоўвання вуліц, у тым ліку і вуліцы Капуцкага, па меры неабходнасці праводзяцца работы па выпраўленні профілю (грэйдзіраванні), падсыпцы дарожнага пакрыцця праезнай часткі ў залежнасці ад аб’ёму наяўнага матэрыялу. Асфальтаванне вуліцы Капуцкага праводзіцца не будзе».