06.12.2016 8:59

У Маладзечне на Каляднай - «танкадром»

Жыхарка дома №21 па вуліцы Каляднай Алена Плоская не першы год скардзіцца на стан праезнай часткі дарогі ля яе жылля.

І сапраўды, гэты ўчастак хутчэй нагадвае палігон для выпрабавання ўзораў ваеннай тэхнікі. Вадзіцелі транспартных сродкаў, што называецца, «пятай кропкай» адчуваюць усе выбоіны на дарозе. Некамфортна рухацца па Каляднай і пешаходам.

На вуліцы Каляднай.



Сітуацыю ўскладняе вялікая лужа, якая ўтварылася насупраць дома жанчыны. У цёплую пару года яна з’яўляецца сур’ёзнай воднай перашкодай для транспарту і пешаходаў, а зімой ператвараецца ў сапраўдны каток.

Алена Аляксандраўна спадзяецца, што адпаведныя службы звернуць увагу на праблему і нарэшце прывядуць праезную частку вуліцы ў парадак.

Прочитано 1636 раз Последнее изменение 06.12.2016 8:59
Соб. инф.

Этот адрес электронной почты защищён от спам-ботов. У вас должен быть включен JavaScript для просмотра.