Заместитель председателя Минского областного комитета природных ресурсов и охраны окружающей среды Александр Добрицкий подвел итоги трилогии Года малой родины во время круглого стола в пресс-центре БЕЛТА.

Радашковічы – знакавы населены пункт у нашым раёне. Яго гісторыя насычана значнымі падзеямі, а вуліцы, камяніцы і муры маглі б расказаць пра лёс многіх знакамітых людзей. Раней гарадскі пасёлак і сам меў статус раённага цэнтра. Тут жывуць сціплыя, працавітыя людзі, захоўваюцца культурныя і духоўныя традыцыі нашай зямлі. Сюды прыязджаюць многія турысты.

Якія славутасці можна выдзеліць у Радашковічах? З такім пытаннем мы звярнуліся да некаторых мясцовых жыхароў.

Наталля ВІРШЫЧ:

— У Радашковічах я нарадзілася, жыць у пасёлку мне вельмі падабаецца. Асабліва цаню мясцовую прыроду. Рэчка Вязынка, узгоркі, пакрытыя лесам… Наваколлі прыгожыя ў любую пару года. Прырода стварае непаўторную, казачную аўру, настройвае на спакой. А яшчэ яна лечыць цела і душу. Нездарма ў ваколіцах населенага пункта ўзнік цэлы россып санаторыяў і дамоў адпачынку. Людзі едуць да нас па здароўе і душэўны спакой.

Марыя ДЗЯРЫПАЛАВА:

— На мой погляд, Радашковічы славяцца мясцовымі храмамі. Велічны Троіцкі касцёл мае адметную архітэктуру. Менавіта тут хрысцілі Янку Купалу. Праваслаўная Свята-Ільінская царква знаходзіцца на высокім пагорку. Яна бачная з розных бакоў пасёлка. Людзі знаходзяць у святароў усіх канфесій моцную духоўную падтрымку. Яшчэ адна вядомая славутасць – мемарыял экіпажу самалёта Мікалая Гастэлы на ўездзе ў Радашковічы. Памяць пра подзвіг славутага экіпажа захоўваецца і ў музеі паветраных і вогненных таранаў Радашковіцкай школы-інтэрната.

Аляксандр АНСІЛЕЎСКІ:

— Вельмі «круты» аб’ект, які можна ўбачыць у Радашковічах, – галоўны канал Вілейска-Мінскай воднай сістэмы. Ля яго любяць адпачываць мясцовыя жыхары. Уздоўж канала праходзіць папулярны турыстычны маршрут. Увогуле, у гарадскім пасёлку і паблізу яго ёсць некалькі добраўпарадкаваных месцаў адпачынку.

Дарэчы, вы ж ведаеце, што ваколіцы Радашковіч называюць беларускай Швейцарыяй. Такую рэпутацыю наш край заслужыў недарэмна.

Лідзія ЗІНКЕВІЧ:

— Можна згадаць пра гістарычны цэнтр Радашковіч. Тут добра захавалася даваенная забудова. Прыемнае ўражанне дапаўняе сквер. Яшчэ населены пункт вядомы сваімі прадпрыемствамі. Прадукцыя керамічнага завода, «Белмастацкерамікі», «Белор-Дызайна» вядомая далёка за межамі Маладзечанскага раёна.

***

Некалькі цікавых фактаў пра Радашковічы

• Гарадскі пасёлак размешчаны на галоўным еўрапейскім водападзеле рэчак басейнаў Чорнага і Балтыйскага мораў.
• Упершыню ў пісьмовых крыніцах Радашковічы ўпамінаюцца ў 1447 годзе.
• За доўгую гісторыю ў ліку ўладальнікаў Радашковіч былі князь Васіль Вярэйскі (праўнук Дзмітрыя Данскога), віленскі ваявода Альбрэхт Гаштольд, каралева Бона Сфорца, магнаты з роду Глябовічаў, Масальскіх, Агінскіх, Радзівілаў.
• У Радашковічах нарадзіліся, жылі, вучыліся і працавалі аўтар першай беларускай граматыкі Браніслаў Тарашкевіч, пісьменнік і журналіст Ядвігін Ш., ствараў мастацкія гурткі і студыі Язэп Драздовіч.
• Кароль польскі і вялікі князь Станіслаў Аўгуст Панятоўскі падарыў Радашковічам арыгінальны герб: на сярэбраным полі выява хрысціянскага першапакутніка святога Стэфана, пабітага камянямі.
• Радашковіцкі замак меў незвычайную выцягнутую форму і ў плане нагадваў карабель.
  
  

Тэкст і фота: Алег БЯГАНСКІ.

Фотовыставка "Любыя мясціны", приуроченная к Году малой родины, проходит в Палате представителей, сообщает корреспондент БЕЛТА.

В этом году исполняется 150 лет со дня рождения выдающегося художника, театрального декоратора и педагога Фердинанда Рущица.

Штучны кратар і каменны дыназаўр знаходзяцца на тэрыторыі нашага раёна, недалёка ад вёскі Пралескі. Размова ідзе пра адно з найстарэйшых прадпрыемстваў Маладзечаншчыны — баластны кар’ер «Радашковічы» Беларускай чыгункі.