Па інфармацыі намесніка дырэктара Маладзечанскага лясгаса Віталія Дземеша, лесаводы разам з валанцёрамі ачысцілі дзялянку ў раёне вёскі Пятроўшчына, прыбралі смецце ўздоўж аўтадарогі Іўкі – Чысць, пасадзілі маладыя дрэўцы ля вёскі Мароські, добраўпарадкавалі тэрыторыю вакол мемарыяльнага комплексу ў вёсцы Сакаўшчына, навялі парадак на тэрыторыі мемарыяльнага комплексу пры выездзе з Маладзечна ў бок Вілейкі, ачысцілі ад смецця ваколіцы санаторыя «Сасновы бор».
аксама былі добраўпарадкаваныя воінскія пахаванні, тэрыторыі вакол садовых таварыстваў, прыдарожныя палосы, з’езды ў лес. У мерапрыемстве прымалі ўдзел работнікі прадпрыемстваў і арганізацый Маладзечаншчыны, прадстаўнікі грамадскіх арганізацый, школьнікі, мясцовыя жыхары. Усяго на заклік Мінлясгаса ў раёне адгукнулася каля 350 чалавек.

Па інфармацыі Мінлясгаса акцыю «Чысты лес» у рэспубліцы падтрымалі каля 40 тысяч чалавек (у Мінскай вобласці – каля 7,8 тысячы). Работа была арганізавана на 2137 аб’ектах. Валанцёры прыбралі больш за 2,5 тысячы кубаметраў смецця, пасадзілі амаль 1,3 мільёна дрэў, дапоўнілі лясныя культуры на плошчы 984 гектары (на Маладзечаншчыне – два гектары).