Дарагія землякі!
Наш раён быў утвораны 15 студзеня 1940 года. Сёння гэта працвітаючы рэгіён з вялікім сельскагаспадарчым патэнцыялам і развітай сацыяльнай інфраструктурай, маляўнічым прыродным ландшафтам.
Дзякуючы працавітасці, добрасумленнасці, адказнасці, таленту і мудрасці нашых землякоў на Маладзечаншчыне з году ў год закладваецца моцны фундамент для дасягнення новых вышынь. Вялікая ўвага надаецца стварэнню належных умоў для працы і пражывання, умацаванню дабрабыту жыхароў раёна.
Сваімі выдатнымі вынікамі ў спаборніцтвах розных узроўняў малую радзіму праслаўляе падрастаючае пакаленне.
Мы памятаем гістарычнае мінулае нашага краю і з надзеяй і ўпэўненасцю глядзім у будучыню. Аддаём даніну павагі старэйшаму пакаленню, усім, хто доўгія гады працаваў на карысць роднага раёна.
Мы сустракаем гэта свята з гонарам і радасцю за поспехі і дасягненні сучаснасці. Маладзечаншчына – наш агульны дом: тут жыць і працаваць нам, нашым нашчадкам на карысць роднага краю!
Шчыра жадаем усім шчасця, здароўя і дабрабыту, поспехаў ва ўсіх справах, упэўненасці ў заўтрашнім дні! А нашаму раёну – шчаслівай будучыні, новых дасягненняў, далейшага развіцця і працвітання!

Раённы выканаўчы камітэт
Раённы Савет дэпутатаў