09.10.2020 12:00

10 кастрычніка ў Беларусі праходзіць адзіны дзень азелянення

Сёлета ў рамках месячніка па навядзенні парадку на зямлі, добраўпарадкаванні і азеляненні тэрыторый у раёне плануецца пасадзіць 200 дрэў і 300 дэкаратыўных кустоў. Пра гэта паведаміў начальнік раённай інспекцыі прыродных рэсурсаў і аховы навакольнага асяроддзя Уладзі-
слаў Чарноў.

Использовано в качестве иллюстрации Использовано в качестве иллюстрации

Уладзіслаў Віктаравіч адзначыў важнасць азелянення населеных пунктаў. Зялёныя насаджэнні паглынаюць пыл і таксічныя газы, паляпшаюць мікраклімат, насычаюць паветра фітанцыдамі і ўзбагачаюць яго кіслародам. Важна і тое, што дрэвы і кусты змяншаюць шумавое забруджванне. Кроны дрэў даюць цень. Па алеях і парках прыемна прагуляцца.

— На Маладзечаншчыне многае робіцца для захавання і прымнажэння зялёных зон у населеных пунктах, — падкрэсліў эколаг. – Штогод высаджваюцца новыя дрэвы. Пік пасадак прыпадае на першую палову года. Так, вясной у раёне камунальнікі высадзілі 430 дрэў і 230 дэкаратыўных кустоў. Прыняць удзел у азеляненні могуць усе жадаючыя.

Субяседнік зазначыў, што сёння, 10 кастрычніка, у Беларусі праходзіць адзіны дзень азелянення. Аднак пасадзіць клён, ліпу або іншую расліну можна і пазней. У апошнія гады ў краіне стала папулярным высаджваць сямейныя дрэвы. Пры гэтым месца пасадкі трэба ўзгадняць з камунальнымі службамі. Таксама можна звярнуцца ў раённую інспекцыю па ахове прыроды (тэл. 8-029-870-44-70). Удзельнікі акцыі зробяць карысную справу для сваіх землякоў, а заадно ўмацуюць сямейныя адносіны.

Уладзіслаў Чарноў дадаў, што ўнесці свой уклад у добраўпарадкаванне тэрыторыі можа кожны. Вяскоўцам, дачнікам, жыхарам прыватнага сектара ў горадзе трэба прыбраць свае ўчасткі, прывесці ў парадак агароджы, скасіць пустазелле. Суб’екты гаспадарання павінны добраўпарадкаваць замацаваныя за імі тэрыторыі.

Алег БЯГАНСКІ.

Прочитано 657 раз Последнее изменение 09.10.2020 12:00
Алег Бяганскі

Этот адрес электронной почты защищён от спам-ботов. У вас должен быть включен JavaScript для просмотра.

Добавить комментарий


Защитный код
Обновить