08.07.2022 12:26

Персанальная буслянка

Сям’я буслоў пабудавала гняздо на воданапорнай вежы на тэрыторыі МТФ «Слабодка» (ля дарогі Маладзечна — Хажова).

Персанальны «дом» буслам вельмі спадабаўся. Персанальны «дом» буслам вельмі спадабаўся.

Здаецца, нічога незвычайнага ў выбары «будаўнічай пляцоўкі» няма: Буслы гняздзяцца на высокіх дрэвах, слупах, іншых збудаваннях. Галоўнае для птушак — добры агляд і бяспека для птушанят. Аднак у нашым выпадку на вежы намаляваны менавіта крылаты славянскі сімвал дома, любові і радасці. Мабыць, «навасёлы» палічылі гэта за персанальнае запрашэнне заняць «жылплошчу».

У народзе з’яўленне буслоў лічыцца добрай прыкметай. Прылёт птушак звязваюць з папаўненнем сям’і. А на ферме ў якасці прыбаўлення выступаюць цяляты. Калі буслы тут селяцца, то і цялят павінна быць шмат.

Тэкст і фота: Алег БЯГАНСКІ.

Прочитано 161 раз
Алег Бяганскі

Этот адрес электронной почты защищён от спам-ботов. У вас должен быть включен JavaScript для просмотра.