17.05.2019 12:21

Будущим призывникам рассказали, легко ли служить в армии

Больш за 30 жыхароў нашага раёна ад 18 да 27 гадоў адправяцца неўзабаве на тэрміновую службу ў армію.

В качестве иллюстрации. В качестве иллюстрации. "Маладзечанская газета"

Прызыўнікоў запрасілі на ўрачыстасць, прысвечаную важнай падзеі ў жыцці. Невыпадкова яна праводзілася ў Мінскім абласным краязнаўчым музеі, дзе захоўваецца гісторыя многіх пакаленняў. У мерапрыемстве прынялі ўдзел прадстаўнікі мясцовага ваенкамата і раённага выканаўчага камітэта. Са словамі наказу да будучых салдат звярнуўся ваенны камісар Маладзечанскага і Валожынскага раёнаў палкоўнік Аляксандр Мацецкі. Ён заўважыў, што гэты прызыў асаблівы, бо адбываецца паміж дзвюма лёсавызначальнымі датамі для нашай краіны — 74-годдзем Вялікай Перамогі і 75-годдзем вызвалення Беларусі ад нямецка-фашысцкіх захопнікаў.

— Для кожнага мужчыны вельмі важна ў любы момант умець абараніць сваю радзіму. Сённяшнія юнакі павінны быць дастойнымі прадаўжальнікамі мужнага пакалення сваіх продкаў, берагчы мір і спакой, — зазначыў Аляксандр Пятровіч.

Сярод ганаровых гасцей урачыстасці быў кіраўнік музея памяці воінаў-інтэрнацыяналі-
стаў СШ №14 палкоўнік запасу Ігар Арабей, які не па чутках ведае аб армейскай службе. Мы неаднойчы расказвалі на старонках нашай газеты пра яго слаўны ваенны шлях, што пралягаў дарогамі Афганістана. Юнакі з непадробнай цікавасцю слухалі пра салдацкія будні. Ігар Арабей на працягу многіх гадоў быў і ваенным камісарам.

— Школа мужнасці і сяброўства — так можна коратка і ёмка расказаць пра армію, — зазначыў ён.

Трапныя словы знайшоў для будучых салдат настаяцель храма ў гонар Усіх Святых протаіерэй Анатолій Пашкевіч, які таксама прайшоў армейскую службу ў Магілёве ў войсках МУС.

— Ці лёгка служыць? Не. Бо гэта новая ступень адказнасці для чалавека, — глыбакадумна падкрэсліў ён.

Протаіерэй пажадаў божага благаславення юнакам, якія «разляцяцца» па ўсёй нашай краіне. У адрас будучых салдат прагучалі наказы не страціць гонар грамадзяніна і быць дастойнымі сынамі малой радзімы, а іх бацькам – толькі чыстых слёз шчасця.

Прыемным дадаткам да ўрачыстасці стала экскурсія па краязнаўчым музеі. Па вехах гісторыі хлопцы вандравалі разам з загадчыцай навукова-даследчай і экспазіцыйна-выставачнай работы Вольгай Шылько.

Працяг тэмы - ў "Маладзечанскай газеце" за суботу, 18 мая.

Галерея изображений

Просмотреть встроенную фотогалерею в Интернете по адресу:
http://mgazeta.by/sotsium/item/4564-budushchim-prizyvnikam-rasskazali-legko-li-sluzhit-v-armii.html#sigProIdd39a8f0644
Прочитано 526 раз Последнее изменение 17.05.2019 12:21
Людміла Цар

Этот адрес электронной почты защищён от спам-ботов. У вас должен быть включен JavaScript для просмотра.

Добавить комментарий


Защитный код
Обновить