19.02.2018 11:00

Навучыцца працаваць бяспечна

Источник

Семінар-вучоба па ахове працы з удзелам спецыялістаў сельскагаспадарчых прадпрыемстваў Маладзечанскага і Вілейскага раёнаў прайшоў нядаўна на базе ААТ «Маладзечанскі райаграсэрвіс».

Навучыцца працаваць бяспечна "Маладзечанская газета"

У мерапрыемстве прынялі ўдзел старшыні раённых камітэтаў прафсаюзаў, грамадскія інспектары па ахове працы пярвічных прафсаюзных арганізацый, інжынеры па ахове працы прадпрыемстваў аграпрамысловага комплексу.

Пытанні, якія разглядалі ўдзельнікі, закраналі найбольш важныя і адначасова праблемныя моманты — сацыяльныя гарантыі для грамадскіх інспектараў па ахове працы, каардынацыю іх дзеянняў з адміністрацыямі суб’ектаў гаспадарання, стварэнне для работнікаў АПК належных бытавых умоў, метадычную падтрымку прафсаюзных актывістаў…

Гэтыя тэмы найбольш актуальныя напярэдадні пасяўной кампаніі, у якой будуць задзейнічаны ўсе падраздзяленні сельскагаспадарчых арганізацый. Дарэчы, па рашэнні райвыканкама тэхніка павінна быць адрамантавана і пастаўлена на «лінейку гатоўнасці» да 28 лютага. Да пасяўной неабходна рыхтавацца і спецыялістам, якія яе абслугоўваюць.   

У час мерапрыемства адзначалася, што прафсаюзным актывістам цэнтральнага рэгіёна ёсць чаму павучыцца на Маладзечаншчыне. У прыватнасці, на базе Маладзечанскага раённага аб’яднання прафсаюзаў дзейнічае грамадская камісія па кантролі за выкананнем заканадаўства аб ахове працы, працуе больш за 200 грамадскіх інспектараў. Пры выканкаме створаны і паказалі добрую выніковасць дзве мабільныя рэйдавыя групы, якія рэгулярна наведваюць прадпрыемствы і арганізацыі. Летась раённае прафсаюзнае аб’яднанне правяло 45 праверак выканання заканадаўства аб ахове працы, у час якіх было выяўлена каля 140 парушэнняў.

— Маладзечанскі раён адзін з трох базавых у Мінскай вобласці, дзе праводзіцца вучоба прафсаюзнага актыву, — падкрэсліў старшыня Мінскага абкама прафсаюзаў работнікаў АПК Міхаіл Бода. – У вас добра наладжана ўзаемадзеянне пярвічных прафсаюзных арганізацый з наймальнікамі, разам вырашаюцца найбольш актуальныя пытанні. Грамадскімі інспектарамі з’яўляюцца найбольш актыўныя і прынцыповыя члены прафсаюза. Яны дапамагаюць інжынерам па тэхніцы бяспекі выяўляць недахопы, удзельнічаюць у абследаваннях умоў працы, падказваюць меры па паляпшэнні сацыяльна-бытавых умоў. Дзякуючы гэтаму ўзровень траўматызму ў раёне зніжаецца.

Гэта пацвердзіў начальнік Маладзечанскай міжраённай інспекцыі працы Дзяніс Томашаў. Ён адзначыў, што ў 2016 годзе ў раёне здарыліся тры выпадкі вытворчага траўматызму з цяжкімі наступствамі, летась – толькі адзін. Асноўныя прычыны такіх здарэнняў – невыкананне з боку наймальніка заканадаўства аб ахове працы і парушэнне правілаў тэхнікі бяспекі работнікамі прадпрыемстваў.

Па словах старшыні райкама прафсаюза работнікаў АПК Уладзіміра Саланенкі, акцэнт у падрыхтоўцы прафсаюзнага актыву трэба рабіць на ніжняе звяно, да якога адносяцца і грамадскія інспектары па ахове працы.

— Іх асноўныя задачы – ажыццяўляць пастаянны кантроль на рабочых месцах, папярэджваць кіраўніцтва прадпрыемства аб недахопах, ацэньваць умовы працы работнікаў, кантраляваць выкананне службовых інструкцый, — пералічваў Уладзімір Генадзьевіч.

Старшыня райкама параіў уключаць у калектыўныя дагаворы пункты аб матэрыяльным стымуляванні дзейнасці грамадскіх інспектараў, заахвочваць тых, хто дасягнуў найбольшых вынікаў, выдзяляць інспектарам аплачваемы час для ажыццяўлення грамадскіх абавязкаў. У выніку ў выйгрышы застануцца і наймальнікі, і работнікі сельскагаспадарчых прадпрыемстваў.

Фота: Аляксей ПЛАТКО.

Галерея изображений

Просмотреть встроенную фотогалерею в Интернете по адресу:
http://mgazeta.by/ru/regionalnyj-aktsent/item/2355-navuchytstsa-pratsavats-byaspechna.html#sigProId4a6dd943b0
Прочитано 1377 раз
Алег Бяганскі

Этот адрес электронной почты защищён от спам-ботов. У вас должен быть включен JavaScript для просмотра.

Добавить комментарий


Защитный код
Обновить