09.10 10:12

Машына часу Таццяны Шылко

Источник

Архівіст аддзела даведачнай работы занальнага дзяржаўнага архіва Таццяна Шылко ганарыцца тым, што дапамагае людзям вырашаць самыя складаныя пытанні. Па яе меркаванні, без захавання памяці
аб мінулым немагчымая будучыня.

Архивист Татьяна Шилко. Архивист Татьяна Шилко. "Маладзечанская газета"


— Гісторыяй захаплялася з дзяцінства, гэта быў адзін з маіх любімых школьных прадметаў, — расказвае Таццяна Вячаславаўна. – А яшчэ я любіла вучыцца, кожны дзень спасцігаць нешта новае. Таму работа ў архіве спадабалася адразу. Калі працуеш з архіўнымі дакументамі, пераносішся ў мінулае. Гэта надзвычай цікава і захапляльна. Нібыта ўключаецца машына часу.
Субяседніца адзначыла, што ў аддзел даведачнай работы людзі звяртаюцца па самых розных прычынах. Некаму трэба аднавіць дакументы, пацвердзіць працоўны стаж, некаму — знайсці сваякоў або даведацца пра лёс продкаў. У кожным выпадку архівісты робяць усё, каб выканаць просьбу. Яны разумеюць: для чалавека гэта вельмі важна. Часам даводзіцца шукаць ускосныя доказы таго ці іншага факта.

Так, аднойчы жыхарцы нашага горада спатрэбілася даказаць радство з братам. У пасведчанні аб яе нараджэнні была зменена літара. Потым памылка «перабралася» ў пашпарт. У выніку жанчына не мела магчымасці ўступіць у спадчыну. Дакладную інфармацыю знайшлі ў гаспадарчых кнігах.

Таццяна Шылко закончыла Нясвіжскі педагагічны каледж і Баранавіцкі дзяржаўны ўніверсітэт. У Маладзечанскім занальным дзяржаўным архіве працуе з 2011 года. Найбольш яна цэніць магчымасць дакрануцца да гісторыі, даведацца пра мінулае роднага краю.

— Архіў абслугоўвае Маладзечанскі, Валожынскі, Вілейскі і Мядзельскі раёны. У ім захоўваюцца дакументы пасляваеннага перыяду, спісы выбаршчыкаў у Сейм і Сенат Польшчы, фонд Вілейскай абласной пракуратуры, іншыя ўнікальныя матэрыялы з 1919 года. Да нас звяртаюцца нават жыхары далёкага замежжа, — падкрэсліла Таццяна Шылко.

Самай дарагой узнагародай архівіст лічыць удзячныя ўсмешкі наведвальнікаў. Калі людзі звяртаюцца па дапамогу і знаходзяць яе, значыць, архіў мае права на існаванне. Захоўваць і вяртаць мінулае – задача надзвычай ганаровая і высакародная.

Цікава ведаць.
У нашай краіне Дзень архівіста святкуецца 6 кастрычніка. Дата прымеркавана да адкрыцця ў 1863 годзе Віцебскага цэнтральнага архіва старажытных актавых кніг.
Маладзечанскі занальны архіў налічвае 1732 фонды, 2687 вопісаў, 268518 адзінак захоўвання.
Архіўныя сховішчы Беларусі змяшчаюць больш за 12 мільёнаў розных дакументаў, а структура сістэмы дакументальнай беларускай спадчыны прадстаўлена 169 падведамнымі арганізацыямі.
Штогод на сайце «Архівы Беларусі» размяшчаецца тэматычная віртуальная выстаўка. Аўтаматызаваны каталог архіўных дакументаў на постсавецкай прасторы існуе ва ўмоўна-вольным доступе толькі ў дзвюх краінах — Беларусі і Расіі.

Фота: Аляксей ПЛАТКО.

Прочитано 577 раз
Алег Бяганскі

Этот адрес электронной почты защищён от спам-ботов. У вас должен быть включен JavaScript для просмотра.
Другие материалы в этой категории: « Ведаць мову, шанаваць гісторыю Аксана едзе ў Сочы! »

Добавить комментарий


Защитный код
Обновить