10.07 11:49

Школьная бизнес-компания работает и на каникулах

Источник

Многія сучасныя дзяўчаты далёкія ад рукадзелля. Але гэтага не скажаш пра ўдзельніц бізнес-кампаніі «Купіць справу», якая ўжо чацвёрты год працуе ў СШ №12. Кіпіць тут работа і ў час летніх канікул.

Школьная бизнес-компания работает и на каникулах "Маладзечанская газета"


Бізнес-кампанія, якой кіруе настаўніца працоўнага навучання Аксана Сушко, спецыялізуецца на пашыве пасцельнай бялізны.
— На арганізацыю і развіццё нашага аб’яднання былі выдаткаваны пазабюджэтныя грошы. Спачатку шылі толькі навалачкі. За чатыры гады існавання школьная вытворчасць пакрысе раскруцілася і выйшла на самаакупнасць. Цяпер мы вырабляем камплекты бялізны. Шыць можам і больш, магчымасці для гэтага ёсць, але імкнёмся выпускаць столькі прадукцыі, колькі можам рэалізаваць, — з веданнем справы гаворыць Аксана Іванаўна.

Пасцельная бялізна выключна з натуральнай сыравіны. Закупляюць яе на адной са сталічных фірм. Асноўныя пакупнікі – жыхары горада. Таксама бываюць сацыяльныя заказы. Напрыклад, школьніцы шылі камплекты для мясцовага радзільнага дома і цэнтра карэкцыйна-развіццёвага навучання і рэабілітацыі.

Летам на базе бізнес-кампаніі адкрыты лагер працы і адпачынку. Да рукадзельніц далучыліся іншыя школьніцы. Мэты ва ўсіх розныя. Напрыклад, Надзя Градабаева прыйшла сюды, каб навучыцца шыць. Цяпер дзевяцікласніца з усмешкай успамінае, як спачатку баялася раскройваць тканіну. Тоня Бажко хоча падзарабіць грошай, каб дапамагчы бацькам аплаціць ёй пуцёўку ў загарадны лагер «Лідар», што ля Радашковіч. Насця Душкевіч збіраецца зрабіць падарунак сяброўцы, з якой не бачылася цэлы год, бо тая цяпер жыве ў Чэхіі. Раней дзяўчаты вучыліся ў адным класе. Насця ведае, што сяброўка любіць чытаць, і хоча падарыць ёй кнігі.

Лагер працы і адпачынку наведваюць падлеткі ад 14 гадоў. Іх працоўны дзень пачынаецца ў 9.00 і доўжыцца чатыры гадзіны.

Ёсць у лагеры і брыгада хлопцаў, якая займаецца рамонтам школьнай мэблі. Карысць ад работы агульная: бацькі спакойныя, што дзеці з карысцю і пад наглядам праводзяць летнія канікулы. А юнакі і дзяўчаты занятыя добрай справай, прывучаюцца зарабляць уласныя грошы, цаніць кожны рубель. Пасля «працоўнай змены» для іх падрыхтавана і змястоўная культурна-асветніцкая праграма.

Фота: І. Рабушка і А. Платко.

Галерея изображений

Просмотреть встроенную фотогалерею в Интернете по адресу:
http://mgazeta.by/ru/obrazovanie/item/1431-shkolnaya-biznes-kompaniya-rabotaet-i-na-kanikulakh.html#sigProId4bc65df1ea
Прочитано 300 раз
Ірына Рабушка

Этот адрес электронной почты защищён от спам-ботов. У вас должен быть включен JavaScript для просмотра.

Добавить комментарий


Защитный код
Обновить