10.07.2018 14:32

В десятке лучших! Молодечненку поощрили за изучение китайского языка

Источник

Выпускніца гімназіі №6 Дар’я Шэйбак трапіла ў дзясятку мацнейшых па выніках рэспубліканскай алімпіяды па кітайскай мове і атрымала тысячу долараў.

Надзвычайны і Паўнамоцны пасол КНР у Беларусі Цуй Цымін (у цэнтры), выпускніца гімназіі №6 Дар’я Шэйбак і дырэктар гімназіі Ала Ярашэвіч. Надзвычайны і Паўнамоцны пасол КНР у Беларусі Цуй Цымін (у цэнтры), выпускніца гімназіі №6 Дар’я Шэйбак і дырэктар гімназіі Ала Ярашэвіч.

Цырымонія ўзнагароджання адбылася ў мінулую пятніцу ў сталічным атэлі «Пекін». Яна праходзіла пры ўдзеле Надзвычайнага і Паўнамоцнага Пасла КНР у Беларусі Цуй Цыміна і першага намесніка міністра адукацыі нашай краіны Ірыны Старавойтавай. Юная маладзечанка была запрошана разам з бацькамі.

Гімназію №6 прадстаўляла таксама яе дырэктар Ала Ярашэвіч.

Навучальная ўстанова не першы год супрацоўнічае з пасольствам Кітая і Інстытутам Канфуцыя ў Мінску. Ад кіраўніцтва гімназіі Цуй Цыміну было ўручана падзячнае пісьмо за ўклад у адукацыю вучняў.
На працягу пяці гадоў тут вывучаецца кітайская мова. Факультатыў наведваюць і вучні іншых устаноў адукацыі.

— Веданне замежных моў у сучасным свеце – неабходнасць. Вельмі прыемна, што гэта разумеюць у нашай гімназіі. Спрабавала тут вывучаць іспанскую, польскую, французскую. Але спынілася на кітайскай, — расказвае Дар’я. — Цікавы свет Паднябеснай адкрыў мой першы выкладчык Валянцін Івашанка. Потым прадоўжыла займацца з валанцёрамі ад Інстытута Канфуцыя. Самае складанае ў кітайскай мове — адрозніваць іерогліфы.

Алімпіяда праводзілася ў тры этапы – па граматыцы, вусным маўленні і аўдзіраванні. Пра прызавы фонд гімназістка нічога не ведала, проста хацела паўдзельнічаць дзеля цікавасці. І ў выніку – сёмае месца. У ліку алімпіяднікаў, дарэчы, былі носьбіты кітайскай мовы. Грошы, якія атрымала дзяўчына, яна плануе ўкласці ў сваю далейшую адукацыю.  
Дар’я самастойна вывучае і японскую мову. Цяпер яна сканцэнтравана на паступленні ў медыцынскі ўніверсітэт.


Фота: архіў ГІМНАЗІІ №6.

Галерея изображений

{gallery}2993{/gallery}
Прочитано 581 раз Последнее изменение 10.07.2018 14:32
Ірына Рабушка

Этот адрес электронной почты защищён от спам-ботов. У вас должен быть включен JavaScript для просмотра.

Добавить комментарий


Защитный код
Обновить