09.10.2019 10:27

У Маладзечанскім раёне пачаўся ацяпляльны сезон

Маладзечаншчына да ацяпляльнага перыяду гатова.

На чарговым пасяджэнні Маладзечанскага райвыканкама разглядалася гатоўнасць раёна да ацяпляльнага перыяду. Было адзначана, што адпаведныя мерапрыемствы на прадпрыемствах і ў арганізацыях Маладзечаншчыны выкананы.

Так, у рамках падрыхтоўкі да ацяпляльнага сезона ў арганізацыях жыллёва-камунальнай гаспадаркі праведзена поўнае выпрабаванне абсталявання кацельняў, уведзена ў эксплуатацыю пасля мадэрнізацыі кацельня №3 у Радашковічах, праведзены прафілактычны агляд і рамонт запланаваных артэзіянскіх свідравін, выканана прафілактычнае абслугоўванне водаправодных сетак і водаправодаў, двойчы адбылося выпрабаванне цеплавых сетак.

Таксама падкрэслівалася, што УП «Камунальнік» стварыў неабходны запас дроў на ацяпляльны перыяд для цеплакрыніц на мясцовых відах паліва. Усе крыніцы і спажыўцы цеплавой энергіі пашпарты гатоўнасці атрымалі своечасова.

Дыспетчарскія службы і аварыйна-аднаўленчыя брыгады Маладзечанскага раёна ўкамплектаваны тэхнікай і персаналам, неабходнымі для аператыўнай ліквідацыі аварыйных сітуацый.

 

 

Прочитано 51 раз
Алег Бяганскі

Этот адрес электронной почты защищён от спам-ботов. У вас должен быть включен JavaScript для просмотра.

Добавить комментарий


Защитный код
Обновить