08.11.2018 7:54

В военкомате Молодечно работает призываная комиссия

Источник

У лістападзе плануецца адправіць на тэрміновую ваенную службу больш за 150 юнакоў з нашага раёна. Іх накіруюць у 35 воінскіх часцей Узброеных Сіл і іншыя фарміраванні па ўсёй краіне. Мы пабывалі на прызыўной камісіі ў мясцовым ваенкамаце.

В военкомате Молодечно работает призываная комиссия "Маладзечанская газета"

Ваенны камісар Маладзечанскага і Валожынскага раёнаў палкоўнік Аляксандр Мацецкі заўважыў, што служба ў арміі – абавязак кожнага беларускага юнака, калі ён здаровы, не вучыцца і не мае выключных асабістых абставін для адтэрміноўкі.

— Абсалютная большасць маладзечанскіх хлопцаў ставіцца да армейскай службы станоўча і адказна, — гаворыць Аляксандр Пятровіч. – Яны разумеюць, што гэта стане дадатковым бонусам у іх далейшым жыцці. Прычым не толькі для тых, хто задумваецца аб рабоце ў сілавых структурах. На прадпрыемствах, у арганізацыях таксама аддаюць перавагу людзям з армейскай загартоўкай, якія ведаюць, як уліцца ў калектыў, валодаюць навыкамі дзеяння ў камандзе.

Арганізуецца прызыўная кампанія раённым выканаўчым камітэтам і праводзіцца непасрэдна прызыўной камісіяй. У нашым ваенкамаце яе ўзначальвае намеснік старшыні райвыканкама Алеся Лукоўская.

— З усёй адказнасцю скажу, што медагляд прызыўнікоў праводзіцца дасканала. Нярэдка менавіта на медкамісіях выяўляюцца хваробы, часам цяжкія, пра якія не ведалі прызыўнікі і бацькі. Дарэчы, калі стрэлкі на вагах здароўя спыніліся паміж адзнакамі годны да службы альбо не, перавага аддаецца апошняму варыянту, бо паўнавартасна несці воінскую службу можа толькі здаровы чалавек, — працягвае Аляксандр Мацецкі, які таксама з’яўляецца членам прызыўной камісіі.

Яе прадстаўнікі асабіста пагаварылі з кожным патэнцыяльным салдатам. Юнакі найчасцей пытаюцца, куды іх адправяць на службу, аб спецыфіцы воінскай часці, фарміравання, ці ўлічваецца прафесія (калі яна ўжо ёсць) і ці будзе запатрабаванае вадзіцельскае пасведчанне. Пераважная большасць маладзечанскіх прызыўнікоў 18-23 гадоў.

Ім нагадалі аб тым, што ўхіленне ад тэрміновай армейскай службы караецца законам. Нельга ігнараваць павесткі з ваенкамата нават калі дадзена адтэрміноўка.

Фота: Ірына РАБУШКА.

Галерея изображений

Просмотреть встроенную фотогалерею в Интернете по адресу:
http://mgazeta.by/regionalnyj-aktsent/item/3542-v-voenkomate-molodechno-rabotaet-prizyvanaya-komissiya.html#sigProIda7d511c486
Прочитано 463 раз
Ірына Рабушка

Этот адрес электронной почты защищён от спам-ботов. У вас должен быть включен JavaScript для просмотра.

Добавить комментарий


Защитный код
Обновить