19.12.2018 16:44

Аб дзейнасці прафсаюза работнікаў адукацыі і навукі

Гэта адзін з самых маштабных на Маладзечаншчыне. Ён яднае 5146 прадстаўнікоў адпаведнай галіны. На пятым пленуме раённай арганізацыі падвялі вынікі за гэты год, які праходзіць пад знакам Года малой радзімы.

Аб дзейнасці прафсаюза работнікаў адукацыі і навукі "Маладзечанская газета"



Распрацавана рэспубліканская праграма, да ажыццяўлення якой далучыліся і маладзечанскія педагогі. Невыпадкова пленум адбыўся на базе Лебе-
дзеўскай СШ. Удзельнікі пазнаёміліся з вопытам работы настаўніка гісторыі вышэйшай катэгорыі Антона Апанасевіча. Пабывалі ў школьным музеі, якім ён кіруе. Акрамя матэрыялаў па краязнаўстве, тут захоўваюцца звесткі пра кожнага выпускніка, пачынаючы з 1947 года, яны папаўняюцца, калі ёсць для гэтага нагода. Дарэчы, сярод былых вучняў нямала знакамітых асоб – напрыклад, Канстанцін Цыбульскі, Генадзій Каханоўскі, Рыгор Семашкевіч, Барыс Кіт. Антон Апанасевіч прадставіў таксама сваю кнігу «Лебедзеўская сага», прысвечаную Лебедзеву і наваколлю.

Урачыстым і адначасова чуллівым момантам мерапрыемства стала ўзнагароджанне шасцярых выпускнікоў школы, якія вярнуліся сюды ў якасці выкладчыкаў.

Аб дзейнасці раённай арганізацыі Беларускага прафсаюза работнікаў адукацыі і навукі і яе структурных падраздзяленняў у рамках Года малой радзімы расказала старшыня Людміла Каханоўская. Таксама прадстаўнікі райкама гаварылі аб праблеме замацавання маладых спецыялістаў на першых працоўных месцах, аб неабходнасці стварэння ўмоў, каб маладзечанцы хацелі вяртацца ў якасці прафесіяналаў у родны край. Узнімалася пытанне забяспечанасці жыллём пачынаючых педагогаў, якое ўдаецца вырашаць дзякуючы супрацоўніцтву і падтрымцы УП «Камунальнік» і гандлёва-эканамічнага каледжа. Штогод па жаданні маладых спецыялістаў ім выдзяляюць месцы ў інтэрнатах. Сёлета сем’ям чатырох пачынаючых педагогаў пашчасціла атрымаць арэнднае жыллё.

Абмяркоўвалася і кантрактная сістэма найму на работу. Прагучала прапанова заключаць кантракты на максімальны тэрмін. Гэта дае большую ўпэўненасць у заўтрашнім дні, стабілізуе атмасферу ў калектыве, што станоўча ўплывае на якасць працы. Прыгадалі найбольш яркія падзеі і мерапрыемствы з жыцця прафсаюзаў за 2018 год. Вылучылі Ігара Арабея, які загадвае музеем памяці воінаў-інтэрнацыяналістаў СШ №14. У пачатку навучальнага года Прэзідэнт краіны падпісаў загад аб узнагароджанні яго медалём «За працоўныя заслугі».

Годна абараніла гонар Маладзечаншчыны малады спецыяліст гімназіі-каледжа мастацтваў Кацярына Майлычка, якая выкладае тут тэатральнае майстэрства. Яна перамагла ў раённым і абласным турах рэспубліканскага конкурсу «Працоўныя таленты», што праводзіўся пад эгідай Федэрацыі прафсаюзаў Беларусі. Выкладчыца выступала ў намінацыі «Арыгінальны жанр».

Сярод адметных падзей назвалі і выстаўку карцін з сімвалічнай назвай «Матулінымі сцежкамі» дырэктара Заскавіцкага вучэбна-педагагічнага комплексу Віталія Анопа, якая была арганізавана ў гэтай установе.
Шмат гаварылася аб укладзе нашых педагогаў у выхаванне дзяцей, аб важнасці пераемнасці пакаленняў, клопаце аб ветэранах.

Актыўны ўдзел настаўнікі прымалі і ў навядзенні парадку на зямлі, у тым ліку далучыліся да агульнарэспубліканскай экалагічнай кампаніі «Добраўпарадкуем малую радзіму». Шэраг акцый ініцыявалі ў раёне, сярод іх «Чысты двор» і «Чысты бераг». У наступным годзе раённая арганізацыя Беларускага прафсаюза работнікаў адукацыі і навукі прадоўжыць лепшыя традыцыі.

Прочитано 2386 раз Последнее изменение 19.12.2018 16:44
Ірына Рабушка

Этот адрес электронной почты защищён от спам-ботов. У вас должен быть включен JavaScript для просмотра.

Добавить комментарий


Защитный код
Обновить