Паважаныя чытачы! Вы ўжо ведаеце, што 2010 год аб’яўлены нашым урадам Годам якасці. Такім чынам, паняцце «якасць» набывае глабальны сэнс: ад якасці тавараў і паслуг да якасці жыцця ў цэлым. Яно закранае ўсе сферы і патрабуе ад кожнага канкрэтнай дзейнасці. Толькі так можна адчуць эфектыўнасць работы ў гэтым кірунку.
Мы вырашылі стварыць новую рубрыку, у рамках якой кожны з чытачоў зможа падзяліцца сваімі меркаваннямі на гэту тэму. Вас радуе ці, наадварот, не задавальняе прадукцыя таго альбо іншага прадпрыемства. Вам аблягчылі жыццё абслуговыя службы, парадавалі добраўпарадкаваннем камунальнікі ці дарожнікі. Ваш сын ці дачка атрымлівае выдатныя веды ў школе, развівае свае здольнасці ў пазашкольных ці клубных установах… Шмат паваротаў можа быць у гэтай жыццёвай і вельмі актуальнай тэмы. І калі вам хочацца падзяліцца сваімі назіраннямі, заўвагамі, прапановамі, калі ў вас ёсць парады ці разважанні, якія будуць цікавыя шырокаму колу чытачоў, мы будзем рады вашым пісьмам, тэлефонным званкам, водгукам на нашым сайце – www.mgazeta.by.
Тэлефануйце па нумарах 77-19-61, 77-21-34, 77-40-24.