15.10.2018 11:35

Областной праздник в честь Дня матери прошел в Молодечно (фотоотчет)

Источник

Пяць нашых зямлячак атрымалі вышэйшую дзяржаўную ўзнагароду – ордэн Маці -- на абласным свяце, якое прайшло ў пятніцу ў гарадскім Палацы культуры.

Областной праздник в честь Дня матери прошел в Молодечно (фотоотчет) "Маладзечанская газета"

Намеснік старшыні Мінскага аблвыканкама Іван Маркевіч, падзякаваў усім мамам за выхаванне дзяцей, уручыў падарункі прадстаўніцам розных раёнаў, якія плённа спалучаюць мацярынства з работай, грамадскімі абавязкамі.

Старшыня Маладзечанскага райвыканкама Юрый Горлаў прыгадаў, што на Маладзечаншчыне налічваецца 1414 мнагадзетных сем’яў, і іх колькасць павялічваецца з кожным годам. 167 жанчын узнагароджаны ордэнам Маці. А на свяце да гэтай слаўнай кагорты далучылася яшчэ пяць жанчын, якім Юрый Горлаў уручыў высокую дзяржаўную ўзнагароду. Сямёра дзяцей выхоўваецца ў сям’і Вольгі Едзінец з Гарадка, па пяцёра ў Аксаны Жук з Аляхновіч, Марыі Матусевіч з Турэц-Баяраў, Марыны Мхітаран з Лебедзева, Марыны Строк з Маладзечна. Ва ўсіх іх дружныя і працавітыя сем’і, дзе пануе атмасфера любові і павагі. І кожная жанчына раздзяляе сваю ўзнагароду з мужам і дзецьмі.



Дэпутат Палаты прадстаўнікоў Нацыянальнага сходу Рэспублікі Беларусь Людміла Канановіч ўручыла падарункі актыўным жанчынам-маці, сярод якіх і маладзечанкі – старшыня раённага аддзялення Беларускага Таварыства Чырвонага Крыжа Яўгенія Русецкая, старшыня раённага аб’яднання прафсаюзаў Таццяна Яцухна.

Павіншавалі віноўніц урачыстасці старшыня Камітэта па працы, занятасці і сацыяльнай абароне аблвыканкама Алег Семянчук, начальнік Галоўнага ўпраўлення адукацыі аблвыканкама Таццяна Апраніч.
Лідар абласной арганізацыі Беларускага Саюза жанчын Святлана Сарока ўручыла Ганаровыя граматы і падарункі жанчынам, якім зала апладзіравала стоячы. Гэта Валянціна Навіцкая, маці касманаўта Алега Навіцкага, якая перамагала ў намінацыі «Мацярынская слава». Пераможцам праекта «Поспехі дзяцей – радасць бацькоў» стала Ганна Асанава, маці чэмпіёна свету і Еўропы па боксе сярод моладзі Дзмітрыя Асанава.

Фота: Аляксей ПЛАТКО.

Больш падрабязна пра святкаванне -- у "Маладзечанскай газеце" за сераду, 17,10,2018 г.

Галерея изображений

Просмотреть встроенную фотогалерею в Интернете по адресу:
http://mgazeta.by/glavnaya-novost/item/3426-oblastnoj-prazdnik-v-chest-dnya-materi-proshel-v-molodechno-fotootchet.html#sigProIdeea52281a2
Прочитано 587 раз Последнее изменение 15.10.2018 11:35
Анжаліка Крупянькова

Этот адрес электронной почты защищён от спам-ботов. У вас должен быть включен JavaScript для просмотра.

Добавить комментарий


Защитный код
Обновить